apni ruswai tere nam ka charcha dekhun
ek zara sher kahun aur main kya kya dekhun

nind aa jae to kya mahfilen barpa dekhun
aankh khul jae to tanhai ka sahra dekhun [...]

tu apni aawaz mein gum hai main apni aawaz mein chup
donon bich khadi hai duniya aaina-e-alfaz mein chup

awwal awwal bol rahe the khwab-bhari hairani mein
phir hum donon chale gae patal se gahre raaz mein chup [...]

hijr karte ya koi wasl guzara karte
hum bahar-haal basar khwab tumhaara karte

ek aisi bhi ghadi ishq mein aai thi ki hum
khak ko hath lagate to sitara karte [...]

aziz itna hi rakkho ki ji sambhal jae
ab is qadar bhi na chaho ki dam nikal jae

mile hain yun to bahut aao ab milen yun bhi
ki ruh garmi-e-anfas se pighal jae [...]

tu is tarah se meri zindagi mein shamil hai
jahan bhi jaun ye lagta hai teri mahfil hai

har ek rang tere rup ki jhalak le le
koi hansi koi lahja koi mahak le le [...]

hosh walon ko khabar kya be-khudi kya chiz hai
ishq kije phir samajhiye zindagi kya chiz hai